នាព្រឹកថ្ងៃសុក្រ ១៤រោច ខែជេស្ឋ ឆ្នាំរោង ឆស័ក ពុទ្ធសករាជ២៥៦៨ ត្រូវនឹងថ្ងៃទី៥ ខែកក្កដា ឆ្នាំ ២០២៤ ឯកឧត្តម អ៊ឹង លាងហ៊ួ សមាជិកគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៧ បានអញ្ជើញចូលរួមកម្មវិធីក្រុងពាលីបញ្ចុះបឋមសិលា កសាងរង្វង់មូល និងរូបសំណាកអ្នកតាម៉ៅ លើផ្លូវទំនប់តាកុយ តភ្ជាប់ស្រុកជលគិរី ខេត្តកំពង់ឆ្នាំង ទៅស្រុកបាធាយ ខេត្តកំពង់ចាម ដែលទីតាំងនេះស្ថិតនៅភូមិព្រៃគ្រីត្បូង ឃុំព្រៃគ្រី ស្រុកជ្រុលគីរី ខេត្តកំពង់ឆ្នាំង។ កម្មវិធីនេះ បានរៀបចំឡើងដោយក្រុមប្រឹក្សាស្រុក គណៈអភិបាលស្រុក និងចូលរួមមានមន្ត្រីរាជការជុំវិញស្រុក ក្រុមប្រឹក្សាឃុំក្នុងស្រុក លោកគ្រូ អ្នកគ្រូ ព្រះសង្ឃ ពុទ្ធបរិស័ទ ប្រជាពលរដ្ឋជាច្រើន។